Verið velkomin á tónleika í Fríkirkjunni með Kham Meslien, Ólöfu Arnalds og Róshildi
Tónlistarborgin Reykjavík heldur árlega skiptivinnudvöl í samstarfi við frönsku listasamsteypuna Trempo í Nantes. Í ár dvelur Kham Meslien í Reykjavík og reykvíska tónlistarkonan Anna Róshildur fór til Nantes í vinnudvöl á móti.
Um tónlistarfólkið
Kham Meslien
Kham er reynslumikill listamaður sem sýnir notkun kontrabassans í áhugaverðu ljósi. Hann hefur komið fram í öllum heimsálfum, jafnt á stórum sviðum sem og í eyðimörkum, og hefur unnið með stórum nöfnum eins og Robert Plant, Archie Shepp og Robert Wyatt.
Ólöf Arnalds
Ólöf Arnalds er kanóna í íslensku tónlistarlífi og hefur komið fram um allan heim. Rödd hennar og hljóðfæraleikur heillar hvern sem er, töfrandi, dulræn og yfirnáttúruleg. Ólöf vinnur nú að sinni fimmtu sólóplötu sem kemur út hjá breska útgáfufyrirtækinu Bella Union árið 2026.
Róshildur
Róshildur er nýliði í íslensku tónlistarlífi en hefur síðan 2022 fangað hug og hjörtu hlustenda, en lög hennar eru full af nánd, djúpum hljóðheimi og íslenskum textum sem einkennast af einlægni og húmor í bland.
Frekari upplýsingar
16. Nóvember er dagur íslenskrar tungu, en bæði Ólöf Arnalds og Róshildur nýta íslenska tungumálið á listilegan og djúpan hátt í tónverkum sínum.
Skiptivinnudvölin er á vegum Tónlistarborgarinnar Reykjavík og Trempo í Nantes, studd af Hafnarhaus, STEF, Franska sendiráðinu, Tónlistarmiðstöð og Alliance Francaise.
Aðgangur er ókeypis.
