Stuttmyndakvöld á verðlaunahátíð Sólveigar Anspach - Lokasýning RFFF (Reykjavik Feminist Film Festival)

Komið endilega og sjáið bestu stuttmyndirnar eftir ungar konur á fimmtu verðlaunahátíð Sólveigar Anspach. Myndirnar eru bæði franskar og íslenskar. Dómnefnd, undir forsæti Auðar Övu Ólafsdóttur, valdi sex bestu stuttmyndirnar 2021, þrjár á íslensku og þrjár á frönsku. Allar sex myndirnar verða sýndar. Missið ekki af tækifæri til að sjá kvikmyndir ungra upprennandi kvikmyndaleikstýra sem eiga framtíðina fyrir sér.

Léttar veitingar verða í boði að verðlaundaafhendingu lokinni. Viðburðurinn er opinn öllum og kostar ekkert inn.

  • sunnudagur 8. maí 2022
  • kl. 19
  • Léttar veitingar og léttvínsglas
  • Bíó Paradís

Franska sendiráðið á Íslandi og Alliance Française í Reykjavík efndu til Sólveigar Anspach verðlaunanna með stuðningi Reykjavíkurborgar, Kvikmyndamiðstöðvar Íslands og kvikmyndaframleiðandans Zik Zak. Tilgangurinn var að heiðra minningu Sólveigar Anspach og hvetja ungar konur til dáða í kvikmyndaleikstjórn. Verðlaunin eru veitt konum fyrir fyrstu stuttmynd þeirra á frönsku og íslensku, tungumálunum hennar Sólveigar.