Níunda hátíðin fer fram dagana 11. – 14. október 2018 og er þema hátíðarinnar í ár Norðrið.

Mýrarhátíðarnar byggja á fjölbreyttri dagskrá með þátttöku höfunda og fræðimanna, innlendra og erlendra. Meðal atriða má nefna:

  • upplestrar og kynningar í Norrræna húsinu
  • fyrirlestrar höfunda og höfundaspjall
  • pallborðsumræður og fyrirlestrar bókmenntafræðinga
  • sýningar og vinnustofur
  • önnur menningardagskrá í samræmi við þema hverju sinni

 

Alliance Française í Reykjavík og franska sendiráðið á Íslandi styðja viðburði og þátttöku höfundarins Benjamin Chaud í Mýrarhátíðinni.

 

  • Fimmtudagur 11. október

13:30 – 14:45 | SAGNAFLÓÐ OG VINNUSTOFA

Við fylgjum Bangsapabba eftir í leit hans að Bangsa litla, um borg og bý, úti á sjó og ofan í sjó. Finnur þú Bangsa litla á hverri opnu? Þessi heillandi saga eftir franska höfundinn Benjamin Chaud verður lesin á frönsku. Jessica Devergnies-Wastraete les. Að lestri loknum mun höfundurinn aðstoða þig við að gera þína eigin bók! Í samstarfi við Alliance Française.

Barnabókasafn | Á frönsku / íslensk túlkun | Skráning fyrir skólahópa | 6-11 ára

– Skráning á myrinfestival@gmail.com

 

  • Föstudagur 12. október

14:15 – 15:05 | AÐ TÝNAST OG FINNAST Í MYNDUM. MYNDVERÖLD NÚTÍMABARNA

Börn í dag alast upp í mjög sjónrænum heimi. Fá þau að sjá það myndefni sem þeim hentar best og sem örvar þau og þroskar? Heim sem býður upp á ferðalög um ókunnar ævintýralendur og uppgötvun eigin sjálfsmyndar? Sex myndhöfundar segja álit sitt og taka þátt í umræðum. Benjamin Chaud (FR), Jenny Lucander (FI), Rán Flygenring (IS), Anna Höglund (SE), Högni Sigurþórsson (IS) og Daniel Mizieliński (PL).

Stjórnandi: Ragnheiður Gestsdóttir

– Skráning á myrinfestival@gmail.com

– Skráningargjald 3.500 kr.

– Innifalið í verði eru kaffiveitingar og léttur hádegisverður.

 

  • Laugardagur 13. október

14:45 – 15:30 | TÓNLIST OG TEIKNUN

Einstakur viðburður með myndhöfundinum Benjamin Chaud frá Frakklandi. Chaud er þekktur fyrir bækur sínar um Bangsa litla. Gestir munu fá innsýn í hvernig sögur hans verða til á sama tíma og hann teiknar ný ævintýri við undirleik tónlistarkonunnar Kiru Kiru.

Fyrirlestrasalur | Ókeypis | Allur aldur

– Skráning á myrinfestival@gmail.com

 

Hægt er að skoða dagskrá hátíðarinnar hér.

 

Staðsetning hátíðarinnar: