Aðalfundur Alliance française í Reykjavík 2012
verður haldinn þriðjudaginn 29. maí kl. 18:00
í húsakynnum félagsins í Tryggvagötu 8.

Fundarefni:
- Ársskýrsla forseta
- Samþykkt ársreikninga
- Breyting á lögum félagsins
- Kosning stjórnar 2012-2213
- Önnur mál

Rétt til fundarsetu hafa allir skuldlausir meðlimir Alliance française.

Frá 26. apríl til 21. júní í Alliance Française,
Ljósmyndasýning "A journey in Iceland - Les Climats"
("Ferð um Ísland - andrúmsloftið") eftir Lolu Reboud.

Frá 26. apríl til 21. júní verða ljósmyndir Lolu Reboud sem hún tók á Íslandi, sýndar í Alliance française:

"Nú orðið hafa allir möguleika á að taka ljósmyndir, en að ljósmynda land er krefjandi verkefni. Að finna nýjar hliðar, eða í það minnsta að sýna hið rétta andlit landsins, það gerist ekki hugsunarlaust, án ákveðins næmis. Lola Reboud valdi sér Ísland sem viðfangsefni. Hún fékk þjálfun í besta skólanum, þegar hún var aðstoðarmaður ameríska ljósmyndarans Alec Soth, og hefur mestan áhuga á portrett-myndatökum, í lit og í formi fernings." (Agnès Sire, framkvæmdastjóri Stofnunar Henri Cartier Bresson)

Lola Reboud: "Frá því í september 2007 hef ég farið til Íslands í þeim tilgangi að gera heimildamyndaröð um andrúmsloftið, landið og fólkið sem þar býr. Eins og er samanstendur myndaröðin af um það bil 40 myndum: portrett-, landslagsmyndum og myndum af daglegu lífi, teknar á öllum tímum ársins og sem saman mynda eina heild."

Sýningin "Les Climats - A journey in Iceland" var sýnd á mörgum stöðum árið 2010 og var tilnefnd til hinna virtu verðlauna HSBC fyrir ljósmyndun árið 2011.

"Í heildina minnir myndaröðin helst á eins konar hreyfingarlausa kvikmynd. Kvikmynd af því að maður finnur fyrir ákveðnum hugarburði, hreyfingarlaus af því það hreyfist ekkert, nema nakti líkaminn í vatninu. Fjarlægðin sem skín úr myndunum kemur líklega til af fjarlægðinni sem stafar frá persónunum þrátt fyrir að þetta séu nærmyndir. Það er aðeins að það örli á litlu brosi hjá gamla ljósmyndaranum. [...] Andrúmsloftið sýnir fálæti eldfjallanna og mannanna, eða kraft eyjarinnar og þess ósýnilega sem gefst aldrei upp" (Agnès Sire).

Opnun sýningarinnar verður þann 26. apríl kl. 17 í Alliance française, Tryggvagötu 8 að viðstöddum íslenskum listamönnum sem eiga það sameiginlegt að hafa verið ljósmyndaðir af Lolu: Guðrún Eva Mínervudóttir, sem hlaut íslensku bókmenntaverðlaunin 2011, les upp úr verkum sínum; Jarþrúður Karlsdóttir (Jara) syngur eigin lög, http://www.myspace.com/jaramusic og Logi Hilmarsson kynnir stuttmynd sína "Þyngdarafl".

2. maí frá kl. 20: Ljósmyndararnir Lola Reboud og Pétur Thomsen spjalla saman um heimildaljósmyndun og listasögu.

Frekari upplýsingar um störf Lolu Reboud á heimasíðu hennar www.lolareboud.com
Allir velkomnir.

Hátíð franskrar tungu
23-28 mars

Hátíð franskrar tungu er haldin um allan heim , og franska sendiráðið á Íslandi og Alliance française láta ekki sitt eftir liggja.

1. Föstudaginn 23. mars frá kl. 12, "Franskt auglýsingafár" á Kex Hostel, Skúlagötu 28 - 101:

Sendiráðið byrjar leikinn á frumlegan hátt þann 23. mars, með því að bjóða fólki að kynnast  fjölbreytileika hins frönskumælandi heims í gegnum sjónvarpsauglýsingar Franskt auglýsingafár býður upp áeinstakt tækifæri til að berja augum það besta úr heimi sjónvarpsauglýsinganna, bæði nýlegar og aðrar frá upphafsárum sjónvarpsins. Úrval fyndinna og skemmtilegra auglýsinga hefur verið sett saman í tveggja klukkustunda mynd, sem verður sýnd allan daginn. Viðburðurinn á sér stað á Kex Hostel.

Hvort sem þið dokið við í nokkrar mínútur eða nokkrar klukkustundir, komið og nótið þessara áhugaverðu "stuttmynda", sem eru textaðar á ensku. Við ábyrgjumst ánægjulegt ferðalag um hinn frönskumælandi heim.

Til að fá forsmekkinn að auglýsingunum, kíkið á þessa síðu: http://www.nuitdespublivores.com/photos-videos.htm

2. Laugardaginn 24. mars kl. 14, keppnin "Allons en France" í Borgarbókasafni, Tryggvagötu 15:

Laugardaginn 24. mars verður frönsk tunga aftur í aðalhlutverki í keppninni Allons en France, þar sem íslenskir menntaskólanemar keppa um 10 daga ferð til Frakklands. Keppendur  búa til 5 mínútna myndband, byggt á þemanu "Mannréttindi á 21. öldinni: Nýjar áskoranir?". Sigurvegarinn verður valinn af þriggja manna dómnefnd, en þeirra á meðal er dagskrárgerðarmaðurinn Egill Helgason.

Keppnin fer fram á Borgarbókasafninu í Reykjavík 24. mars og hefst kl. 14:00.

3. 26., 27. og 28. mars: "Skrifaðu mér!". Yngstu nemendur grunnskóla heimsóttir:

Eins og undanfarin ár er Hátíð franskrar tungu tækifæri fyrir Alliance française til að heimsækja íslenska grunnskóla og vekja áhuga yngstu nemendanna á franskri tungu.

Þema þessa árs er tengt sýningu sem fer fram á sama tíma í húsakynnum Alliance française (sjá næsta atriði). 26.-28. mars verður nemendum Melaskóla, Háteigsskóla og fleiri skóla boðið að taka þátt með því að skrifa stutt bréf á frönsku, þar sem þau kynna sig, skreyta umslagið og senda til Alliance française, sem síðan velur fallegasta umslagið. Hverri heimsókn lýkur með því að Sólveig Simha les stutt ævintýri á frönsku.

4. Frá 28. mars til 23. apríl: "Saint-Lunaire-Reykjavík: Bréf frá Bretaníu", sýning á "póstlist" eftir Marie Schimpf í Alliance française, Tryggvagötu 8

Vegna þess að frönsk tunga getur átt sér margar birtingarmyndir verður "póstlist" sýnd frá 28. mars til 23. apríl í Alliance française. Sýningin ber heitið "Saint-Lunaire-Reykjavík: Bréf frá Bretaníu".

Sýningin er fyrst og fremst saga af vináttu. Marie Schimpf býr í Saint-Lunaire á Bretaníuskaga og frá árinu 2008 skrifar hún vinkonu sinni, Valérie-Anne, sem hefur komið sér fyrir í Reykjavík. Bréfin þeirra eru alls ekki hversdagsleg. Þvert á móti eru umslögin listalega skreytt og heilla starfsfólkið á aðalpósthúsinu í Reykjavík. Marie og Valérie-Anne hafa samþykkt að sýna umslögin í einn mánuð í Alliance française!

Á tímum rafrænna samskipta minnir þessi sýning okkur á þá ánægju sem felst í því að fá alvöru bréf, skrifuð  með bleki á pappír. Til að gera stemmninguna enn skemmtilegri verður boðið upp á bretónskt hlaðborð við opnun sýningarinnar miðvikudaginn 28. mars kl. 17-19.

"Vesalingarnir" eftir Victor Hugo

Fimmtudaginn 15. mars, kl. 20.00
Alliance Française, Tryggvagötu 8.
 
Einn stærsti viðburður leikhúslífsins í Reykjavík nú í byrjun árs er án efa ný uppfærsla á söngleiknum ?Vesalingarnir?. Þessi söngleikur eftir Claude-Michel Schönberg (tónlist) og Alain Boublil (texti) var frumsýndur í Frakklandi árið 1980.

Allt frá upphafi hefur söngleikurinn farið sigurför um heiminn: 60 milljónir manna hafa séð söngleikinn í 43 löndum og yfir 300 borgum! 
Alls staðar hefur söngleikurinn slegið öll met, en London á metið í árafjölda: söngleikurinn hefur verið sýndur þar viðstöðulaust í 27 ár!

Velgengni söngleiksins má samt ekki skyggja á uppruna verksins: hina stórkostlegu skáldsögu Victor Hugo, en öll 10 bindin voru gefin út í Frakklandi í fyrsta sinn árið 1862.

Það þekkja orðið flestir Cosette og Gavroche, en hvað með skáldsögu Victors Hugo?

Þann 15. mars n.k. stendur Alliance Française fyrir kvöldstund um "Vesalingana":
Karl Cogard kynnir skáldsögu Victors Hugo, "Vesalingana" og Friðrik Erlingsson, þýðandi söngleiksins, fjallar um uppfærsluna og söngleikinn.

Dagskrá kvöldsins:

20.00-20.30 Karl Cogard: "Ótrúleg örlög einstakrar skáldsögu".
20.30-21.00 Friðrik Erlingsson kynnir söngleikinn.

Í samvinnu við Þjóðleikhúsið.

Safnanótt: Rautt og hvítt í svartamyrkri (10. febrúar)

Alliance française tekur þátt í næstu Safnanótt í Reykjavík, sem haldin verður 10. febrúar.
Alliance mun standa fyrir blindri vínsmökkun í tilefni af hátíðinni.
Reynið bragðskyn og lyktarskyn ykkar í myrkrinu með Stéphane Aubergy frá Vínekrunni,
en hann mun á 20 mínútum leyfa ykkur að prófa 4 mismunandi vín...
Geturðu fundið muninn á rauðvíni og hvítvíni? Það er ekki eins auðvelt og maður heldur í fyrstu...

Vinnustofur verða haldnar í Alliance française á Tryggvagötu 8 og vara í um 20 mínútur.
Sú fyrsta hefst kl. 19:30, sú næsta kl. 20:00, og svo koll af kolli fram að þeirri síðastu kl. 22:30.
Athugið að hver vinnustofa rúmar 35 manns.

Alliance Française í Reykjavík, Sendiráð Frakklands á Íslandi og Græna ljósið kynna franska kvikmyndahátíð, sem verður haldin í 12. sinn dagana 27. janúar til 9. febrúar í Háskólabíói og í Borgarbíói á Akureyri 17. til 20. febrúar.

Frönsk kvikmyndahátíð er annar stærsti kvikmyndaviðburður Íslands, næst á eftir Alþjóðlegu kvikmyndahátíðinni í Reykjavík. Árlega sækja um 10.000 gestir frönsku kvikmyndahátíðina, sem er fyrsti stóri menningarviðburður ársins í Reykjavík. Það er Alliance française í Reykjavík sem skipuleggur hátíðina, í samvinnu við Græna ljósið, Institut français og Sendiráð Frakklands á Íslandi. Eins og verið hefur er fjölbreytnin í fyrirrúmi á Franskri kvikmyndahátið og það breytist ekki í ár. Sýndar verða ýmsar tegundir gæðakvikmynda frá Frakklandi, auk mynda frá frönskumælandi svæðum utan Frakklands, s.s. Québec og Tchad. Að þessu sinni er sérstök áhersla lögð á kvikmyndir eftir kvenleikstjóra.

http://www.af.is/fff2012/cine.asp

Föstudaginn 18. nóvember, kl. 12-13.
Ljósmyndasafn Reykjavíkur, Grófarhúsi, Tryggvagötu 15, 6. hæð

"Sýn íslensks ljósmyndara á franskan kollega sinn: Pétur Thomsen segir frá Marc Riboud".

Þann 3. september s.l. var ljósmyndasýningin "Marc Riboud - ljósmyndir í 50 ár" opnuð í Ljósmyndasafni Reykjavíkur á vegum Alliance Française og Ljósmyndasafns Reykjavíkur.  Sýningin stendur til 8. janúar 2012.

Í hádeginu föstudaginn 18. nóvember, ætlar Pétur Thomsen að segja gestum frá sinni sýn á verkum Marc Riboud.

Pétur Thomsen er einn fremsti ljósmyndari okkar í dag. Nýlega sýndi hann verk sín annars vegar í Listasafni Íslands og hins vegar í Þjóðminjasafni Íslands. Hann lærði ljósmyndun í Frakklandi, í einum af virtustu ljósmyndaskólum heims: École Nationale Supérieure de la Photographie (ENSP) í Arles.
Ein af mörgum viðurkenningum sem hann hefur fengið, eru LVMH verðlaun ungra listamanna (Louis Vuitton Moët Hennessy verðlaunin) árið 2004.
Frekari upplýsingar:
http://www.peturthomsen.is/

Á íslensku og á frönsku.

©Marc Riboud

Pompidou safnið í París fékk nýlega mjög höfðinglega gjöf frá Marc Riboud. 40 upprunalegar prentanir eru núna til sýnis í safninu.  Sýningin stendur til aprílloka 2012.
http://www.marcriboud.com/

Það er einstakt tækifæri að fá að sjá ljósmyndir eins fremsta ljósmyndara heimsins í Reykjavík ? ekki láta þetta tækifæri ganga ykkur úr greipum.

©Martin Argyroglo

Fimmtudaginn 27. október,  frá kl. 16:00 til 18:00,
Staður: Háskóli Íslands, Háskólatorgi, sal HT 103.

sérstakur fyrirlestur Vincent Debaene um Claude Lévi-Strauss og Regnskógabeltið raunamædda.

Í tilefni af  því að stórvirkið Regnskógabeltið raunamædda eftir mannfræðinginn Claude Lévi-Strauss er nú komið út í íslenskri þýðingu Péturs Gunnarssonar býður Alliance française til landsins Vincent Debaene, en hann er sérfræðingur í verkum Claude Lévi-Strauss og sá um útgáfu heildarverka hans í hinni virtu La Pléiade ritröð hjá Gallimard útgáfunni í Frakklandi. 

Hér er dagskráin:

Fimmtudaginn 27. október, frá kl. 16:00 til 18:00

1. Torfi  H. Tulinius: "Staða C. Lévi-Strauss í hugmyndaheimi Frakka"
2. Sigríður Dúna Kristmundsdóttir: "Claude Lévi-Strauss og mannfræðin"
3. Pétur Gunnarsson, rithöfundur og þýðandi Regnskógabeltisins raunamædda fjallar um þýðinguna og les kafla úr henni.
4. Fyrirlestur Vincent Debaene, "Claude Lévi-Strauss og Regnskógabeltið raunamædda", fyrirlestur á ensku.
5. Umræður

Föstudaginn 21., laugardaginn 22., sunnudaginn 23. október,
og föstudaginn 4., laugardaginn 5. og sunnudaginn 6. nóvember.

"Sex íslendingar fjalla um frönsku uppáhalds kvikmyndina sína" í Bíó Paradís.

Alliance française bað sex Íslendinga að fjalla stuttlega um kvikmynd að eigin vali.
Frekari upplýsingar er að finna hér:
http://bioparadis.is/2011/10/18/stefnumot-vid-franskar-kvikmyndir-fyrri-hluti/

Allar sýningar eru kl. 20.00

Almennt miðaverð er 1.200 kr
Félagsmenn í Alliance Française fá 25% afslátt - sýna þarf gilt félagsskírteini í miðasölu

Hér er dagskráin:

21/10, Kvikmyndaleikstjórinn Kristín Jóhannesdóttir fjallar um "Les Plages d'Agnès" eftir Agnès Varda.

22/10 Kvikmyndaleikstjórinn Dagur Kári fjallar um "L'Argent" eftir Robert Bresson.

23/10, Poppspekingurinn Dr Gunni fjallar um "Le Charme discret de la bourgeoisie" eftir Luis Buñuel.



4/11 Kvikmyndaleikstjórinn Friðrik Þór Friðriksson fjallar um "Mon Oncle" eftir Jacques Tati.



5/11 Þáttastjórnandinn Sirrý fjallar "Paris" eftir Cédric Klapisch.



6/11 Teiknimyndahöfundurinn Hugleikur Dagsson fjallar um "La meute", hryllingsmynd eftir de Franck Richard.

Mánudaginn 17. október 2011, kl. 15.00-16.30,

Staður: Háskóli Íslands, Háskólatorgi, sal HT 101.

Hringborðsumræður
"Þegar íslenska mætir frönsku - fjórir íslenskir rithöfundar segja frá áhrifum franskrar tungu og menningar á ritstörf sín"

Þátttakendur eru  Auður Ava Ólafsdóttir, Oddný Eir Ævarsdóttir, Pétur Gunnarsson og Sigurður Pálsson.

Stjórnandi: Torfi H. Tulinius

Í tilefni af aldarafmæli sínu, leiðir Alliance Française saman fjóra íslenska rithöfunda, sem allir tala reiprennandi frönsku, til að hittast og spjalla.  Rithöfundarnir eru tveir karlmenn og tvær konur, á mismunandi aldri.  Þau eru beðin um að velta fyrir sér spurningunni: hafa tengsl þeirra við franska tungu, listir og menningu (ekki bara bókmenntir, heldur listir í víðari merkingu) haft áhrif á skrif þeirra á íslensku, og ef svo er, hvernig kemur frönsk tunga eða frönsk menning inn í skriftirnar og almennt álit þeirra á íslenskum bókmenntum?

Komdu í Háskóla Íslands, Háskólatorg, sal HT 101, mánudaginn 17. október frá kl. 15.00 til 16.30, og taktu þátt í umræðunum.

Umræður fara fram á íslensku.

Sunnudaginn 25. september, Kaffi Rósenberg, Klapparstíg, kl. 21
Mánudaginn 26. september, Bakkus, Tryggvagötu 22, kl. 21
Í anddyri Bíó Paradís, alla daga til 2. október

Úrval hreyfistuttmynda, "Flickering shapes" og "Les Petites formes".

Eins og á síðasta ári, tekur Alliance Française þátt í RIFF með því að bjóða upp á 2 sýningar hreyfisttmynda. Í ár er skammturinn tvöfaldur, með "Flickering Shapes" og "Les Petites Formes", úrval yfir 30 mynda sem verða sýndar sunnudaginn 25. September á Kaffi Rósenberg kl. 21 og mánudaginn 26. september á Bakkus, einnig kl. 21. Þessar sýningar eru sýndar á "Lanterna Magica" hátíðinni í Marseille í desember á hverju ári, í boði Fotokino.

Sunnudaginn 25. september, kl. 21,  Kaffi Rósenberg :
"Flickering Shapes"

Mánudaginn 26. september, kl. 21, Bakkus:
"Les Petites formes"

Mánudaginn 19. september kl. 17:00.

Fyrirlestur í minningu Jean-Baptiste Charcot:
Jean-Christophe Victor:
Jean-Baptiste Charcot, Paul-Emile Victor og  staða  heimskautarannsókna nú á tímum,

Staður: Háskóli Íslands, Askja, stofa 131, (Sturlugötu 7- 101 Reykjavík).

 
Fyrirlesturinn verður haldinn á frönsku og túlkaður á íslensku.
Í samvinnu við  Jörund Svavarsson, prófessor í sjávarlíffræði við Háskóla Íslands og stjórnarformaður rannsóknaseturs Suðurnesja í Sandgerði.
Aðgangur ókeypis.

Franski leiðangursstjórinn Jean-Baptiste Charcot fórst með allri áhöfn sinni utan einum manni, alls fjörutíu mönnum, þann 16. september 1936 um borð í rannsóknaskipinu Pourquoi Pas? Til að minnast þessa atburðar og þess merka vísindastarfs sem Charcot og menn hans unnu, hafa Alliance Française í Reykjavík og Háskóli Íslands efnt til svokallaðs Charcot-fyrirlesturs undanfarin þrjú ár þar sem franskir fræðimenn fjalla um arfleifð Charcots á sviði vísindanna.
Fyrirlesarinn í ár er Jean-Christophe Victor, sem flytur erindi sem nefnist "Jean-Baptiste Charcot, Paul-Emile Victor og staða heimskautarannsókna nú á tímum".
Jean-Christophe Victor er sonur hins heimsþekkta mannfræðings og leiðangursstjóra Paul-Emile Victor, en Charcot var nokkurs konar lærifaðir hans á sínum tíma. Jean-Christophe Victor er með háskólapróf í mannfræði, hernaðartækni og kínversku. Hann var um skeið menningarfulltrúi Frakklands í Afghanistan og vann með Greiningar- og spádeild franska utanríkisráðuneytisins (CAP). Hann er líka hugmyndasmiður og umsjónarmaður sjónvarpsþáttarins ?Hin hliðin á kortunum?, en það er þáttur um þróun heimsmála sem sýndur er á fransk-þýsku sjónvarpsstöðinni ARTE. Hann hefur talsvert fengist við kennslu og fyrirlestrahald í Frakklandi og víða um heim. Auk þess hefur hann skrifað allmargar bækur um alþjóðasamskipti og er annar stjórnenda LEPAC, Miðstöð stjórnmálafræða og kortagreininga.

Undanfarin sautján ár hefur Jean-Christophe Victor fjallað um alþjóðastjórnmál í sjónvarpinu og gert almenningi kleift að átta sig á gangi mála, hvort sem það er á sviði stjórnmála eða efnahagsmála. Hér er slóð inn á vef þáttarins:

http://www.arte.tv/fr/Comprendre-le-monde/le-dessous-des-cartes/392,CmC=396,view=maps.html

Þeir sem vilja fræðast frekar um Jean-Christophe Victor er hér slóð þar sem hann útskýrir hvernig hann fer að:

http://dai.ly/biXprn

Fyrirlesturinn verður sem fyrr segir haldinn mánudaginn 19. september kl 17 :00. Hann verður haldinn á frönsku og túlkaður á íslensku.
Jean-Christophe Victor  kemur hingað til lands í tilefni af aldarafmæli Alliance Française í Reykjavík og Í samvinnu við  Jörund Svavarsson, prófessor í sjávarlíffræði við Háskóla Íslands og formaður stjórnar rannsóknaseturs Suðurnesja í Sandgerði. Aðgangur er ókeypis.

Miðvikudaginn 7. september kl. 17:00,
Borgarbókasafnið, Tryggvagata 15

"Ég skrifa á brennheitu hrauni..."
Sýning um ævi og ritverk Irène Némirovsky

Miðvikudaginn 7. september kl. 17:00 verður sýning um ævi og ritverk fransk-úkraínsku skáldkonunnar Irène Némirovsky (1903-1942) sem ber yfirskriftina "Ég skrifa á brennheitu hrauni..." opnuð í Borgarbókasafninu, Tryggvagötu 15.  Sýningin er sett upp í tilefni af því að skáldsagan Frönsk svíta kemur út sama dag hjá JPV í íslenskri þýðingu Friðriks Rafnssonar. Við opnunina fjallar sýningarstjórinn, Olivier Philipponat, um sýninguna og að því loknu opnar dóttir Irène Némirovsky, Denise Epstein, hana formlega.

Irène Némirovsky fæddist í Kiev í Úkraínu árið 1903. Hún flúði ásamt fjölskyldu sinni frá Rússlandi í rússnesku byltingunni, bjó um skeið í Finnlandi og flutti síðan til Frakklands þar sem hún bjó og starfaði til dauðadags, árið 1942.
Átján ára að aldri birti Némirovsky fyrstu sögurnar sínar, gifti sig og eignaðist sitt fyrsta barn í nóvember árið 1929. Mánuði síðar kom út skáldsagan David Golder, hún sló algerlega í gegn, sagan var kvikmynduð árið 1930 og þar með var Irène Némirovsky orðinn þekktur höfundur. Eftir þessa glæsilegu byrjun hélt hún ótrauð áfram, sendi frá sér tíu skáldsögur og fjölmargar smásögur þar sem hún fjallar um málefni sem hún þekkti vel, arfleifð fjölskyldunnar, rússneska fortíð sína, það að vera gyðingur, tilraunir hennar til að vera frönsk og þá erfiðu lífsbaráttu sem hún þurfi að heyja á síðari hluta fjórða áratugarins þegar gyðingahatur fór vaxandi. Hún snerist til kaþólsku árið 1939, flúði árið 1940 til í smáþorps í Mið-Frakklandi ásamt tveimur barnungum dætrum sínum. Þar var hún handtekin árið 1942 og send í útrýmingarbúðir nasista í Auschwitz þar sem hún lét lífið. Áður en hún var handtekin tókst henni að ljúka við skáldsöguna Frönsk svíta. Hún var ekki gefin út fyrr en árið 2004, sextíu og tveimur árum eftir að höfundurinn lést, en hefur nú verið þýdd á þrjátíu og sjö tungumál, gefin út í fjörutíu löndum og hvarvetna notið gríðarlegra vinsælda.

Hér er um að ræða smækkaða útgáfu af viðamikilli sýningu sem sett hefur verið upp í Museum of Jewish Heritage í New York og Mémorial de la Shoah í París. Sýningin er unnin í samstarfi við dóttur Irène Némirovsky, Denise Epstein, sem verður einn gesta Bókmenntahátíðar í Reykjavík nú í september, IMEC (frönsku samtímahandritastofnunina) og Olivier Philipponat, sýningastjóra sýningarinnar og ævisagnaritara Némirovsky.

Sýningin í Borgarbókasafninu kemur hingað til lands á vegum Alliance française í Reykjavík og er liður í hátíðarhöldum vegna aldarafmælis félagsins á árinu.  Hún er sett upp í samstarfi við Borgarbókasafn Reykjavíkur og Reykjavík Bókmenntaborg UNESCO.

Sýningin stendur til 30. september, aðgangur er ókeypis og allt áhugafólk um bókmenntir og sögu velkomið.
   

Sýningin "Marc Riboud - ljósmyndir í 50 ár"

Frá 3. september 2011 til 8. janúar 2012 í Ljósmyndasafni Reykjavíkur, Tryggvagötu 15, Reykjavík

Marc Riboud, Unga stúlkan og blómið/ La jeune fille à la fleur - Washington D.C., 1967

Haustdagskrá Alliance Française í Reykjavík byrjar með hvelli:  það er okkur mikil ánægja að fá tækifæri til að kynna einn merkasta ljósmyndara samtímans frá Frakklandi, Marc Riboud, og bjóðum ykkur að sjá sýninguna "Marc Riboud - ljósmyndir í 50 ár", em verður opnuð í Ljósmyndasafni Reykjavíkur, laugardaginn 3. september kl. 15.

Sýningin stendur frá 3. september 2011 til 8. janúar 2012 og er einn af afmælisviðburðum í tilefni af aldarafmæli Alliance Française í Reykjavík.

"Marc Riboud fæddist árið 1923 í Lyon. Hann tók fyrstu ljósmyndirnar sínar á Heimssýningunni í París 1937, með litlu kassavélinni sem pabbi hans gaf honum í 14 ára afmælisgjöf.
Árið 1953 fékk hann birta ljósmynd í tímaritinu Life, myndin sýnir málara uppi í Eiffel turninum. Þetta verður til þess að ljósmyndararnir Henri Cartier-Bresson og Robert Capa með honum við umboðsskrifstofuna Magnum.
1955 fer hann landleiðina til Indlands, dvelur þar í eitt ár og fer þaðan í sína fyrstu heimsókn til Kína. Á sjöunda áratugnum ljósmyndar hann sjálfstæðisbaráttuna í Alsír og Afríku sunnan Sahara.  1968-1969 tekur hann fréttaljósmyndir bæði í suður og norður Víetnam, en hann var einn fárra ljósmyndara Víetnam stríðsins.
Síðan á níunda áratug síðustu aldar, hefur hann ferðast um heiminn og tekið ljósmyndir, sérstaklega í Asíu".

Frekari upplýsingar um Marc Riboud:

http://www.marcriboud.com/

www.ljosmyndasafnreykjavikur.is

14. júní kl. 17.30, í Listasafn Íslands
"Kona", sýning Louise Bourgeois, skoðuð undir leiðsögn Marie-Laure Bernadac, deildarstjóra nútímalistadeildar Louvresafnsins.

Ein merkasta listakona Frakka, Louise Bourgeois,  hefði fagnað aldarafmæli á þessu ári. Hún lést á síðasta ári og lét eftir sig verk sem eru talin með þeim merkustu sem sköpuð voru á 20. öld og í upphafi þeirrar 21. Listasafn Íslands býður myndlistarunnendum upp á yfirlitssýningu á verkum hennar frá 27. maí til 11. september. Af þessu tilefni býður Alliance Française til landsins einum helsta sérfræðingi heimsins í verkum Louise Bourgeois, Marie-Laure Bernadac, deildarstjóra nútímalistadeildar Louvresafnsins. Hún verður með leiðsögn um sýninguna, þar sem hún segir sérstaklega frá völdum verkum á sýningunni. Missið ekki af þessu einstaka tækifæri til að kynnast einum fremsta listamanni seinni tíma!

Gilt félagsskírteini Alliance Française við inngang safnsins, jafngildir aðgöngumiða á þessa leiðsögn um sýninguna.

Í samstarfi með Listasafni Íslands.