Franska "à la carte" í Alliance Française:

Næstu námskeið: frá 30. apríl til 7. júní 2012.

Skráning í síma 552-3870 eða alliance@af.is

Hægt er að skrá sig á námskeið hér.  

Hefurðu einhvern tímann lært eitthvað í frönsku? Pantaðu þá tíma hjá okkur í ókeypis ráðgjöf til að vita nákvæmlega hvaða námskeið hentar þér.

Stúdentar og atvinnulausir fá 10% afslátt af námskeiðsgjaldi. Nemendur okkar geta fengið lánaðar bækur, DVD-myndir og geisladiska af safni okkar, auk þess sem þeim er boðið að taka þátt í öllum viðburðum Alliance Française.

Námskeið sem henta þér:

Ástæðurnar fyrir því að fólk langar til að læra frönsku eru fjölbreyttar. Flesta langar til að læra frönsku vegna vinnu sinnar, til að stunda nám í Frakklandi eða einfaldlega ánægjunnar vegna og til að kunna betur að meta franskan lífsstíl og menningu.

Alliance Française býður upp á frönskunámskeið fyrir alla, allt frá byrjendum til þeirra sem lengra eru komnir og vilja bæta við sig. Nemendur okkar fá þjálfun í talaðri jafnt og ritaðri frönsku. Á námskeiðum okkar er fylgt Evrópustöðlum um kennslu í erlendum tungumálum (frekari upplýsingar er að finna á vefsíðunni: http://www.coe.int/T/DG4/Portfolio/documents/cadrecommun.pdf)

Kennararnir eru franskir og íslenskir, allir með kennsluréttindi og áralanga reynslu af því að kenna frönsku hérlendis.

Menntamálaráðuneyti Frakklands býður upp á próf til að hægt sé að meta kunnáttu nemenda í frönsku, en þessi próf eru t.d. skilyrði fyrir inngöngu í háskóla í Frakklandi og eru viðurkennd á alþjóða vettvangi. Þessi próf eru: Diplôme d'Etudes en Langue Française (DELF) og Diplôme Approfondi de Langue Française (DALF). Alliance Française í Reykjavík er eini staðurinn á Íslandi þar sem hægt er að taka þessi próf.

Sá (eða sú) sem lærir frönsku í Alliance Française kemst í beint og milliliðalaust samband við franska tungu og menningu, því allir sem læra frönsku hjá okkur hafa aðgang að ýmsum viðburðum sem skipulagðir eru á vegum félagsins í hverjum mánuði.

 3 námsannir á ári:

Hér í Alliance Française í Reykjavík skiptum við skólaárinu í 3 námsannir: haustönn (frá september til desember), vorönn (frá janúar til mars) og stutta sumarönn (frá maí til júní). Námskeiðin á haust- og vorönn eru 13 vikur, og á sumarönninni eru þau 6 vikur.

Að skrá sig í Alliance Française : Næstu námskeið: frá 30. apríl til 7. júní 2012.

• Í Tryggvagötu 8, 2. hæð, 101 Reykjavík, þriðjudaga til laugardaga, frá kl. 14 til 18.
• Með því að senda tölvupóst til okkar alliance@af.is
• Í síma 552 3870 frá kl. 14 til 18, þriðjudaga til laugardaga.
• Staðfestingargjald, kr. 17.000 greiðist áður en námskeiðin hefjast og er óafturkræft.
  
  1/ Almenn frönskunámskeið: Fyrir alla, jafnt byrjendur og þá sem eru með grunnþekkingu eða meira í frönsku.
  
  Við fylgjum Evrópustöðlum um kennslu í erlendum tungumálum, en þar er tungumálakennslu skipt niður í þessi 6 stig:
  
  1. A1: fyrstu kynni af tungumálinu, uppgötvun.
  2. A2: getur bjargað sér í flestum daglegum aðstæðum.
  3. B1: sjálfbjarga á tungumálinu.
  4. B2: lengra kominn.
  5. C1: talar reiprennandi.
  6. C2: tvítyngdur.
  
  Námskeiðin okkar fylgja þessum stigum, F1 (Français 1) er fyrri helmingur A1, F2 er seinni helmingurinn af A1, F3 og F4 ná yfir A2 o.s.frv. Hvert námskeið varir í 13 vikur, kennt er tvö kvöld í viku, 90 mínútur í hvert skipti, samtals 39 klukkustundir. Kennsluefnið sem við notum heitir Version Originale, en það byggir á kennslubók, verkefnabók og mynd- og hljóðefni.

Námskeiðin okkar hjá AF	Samsvarandi Evrópustaðall	Lengd	Próf
F1	A1 fyrri hluti	39 klst	námsmat Alliance Française
F2	A1 seinni hluti	39 klst	DELF A1
F3	A2 fyrri hluti	39 klst	námsmat Alliance Française
F4	A2 seinni hluti	39 klst	DELF A2
F5	B1 fyrri hluti	39 klst	námsmat Alliance Française
F6	B1 seinni hluti	39 klst	DELF B1
F7	B2 fyrri hluti	39 klst	námsmat Alliance Française

Til að taka dæmi, eftir að hafa lokið F1 námskeiði, hefur þú náð nægri þekkingu í frönsku til að:

- tala um sjálfa(n) þig á einfaldan hátt, 
- hafa einföld samskipti við aðra: heilsa, kveðja o.þ.h.
- samþykkja eða afþakka eitthvað,
- biðja um aðstoð, útskýringar,
- fá einfaldar upplýsingar
- fylla út eyðublöð, skráningarblöð ...
- kaupa í matinn, 
- panta á veitingastað,
- skilja og taka þátt í einföldum aðstæðum í daglegu lífi.

Stundatafla:

• frá 30. apríl til 7. júní 2012: F1 - byrjendur: 3 hópar.  6 vikna námskeið, þ.e. 18 klukkustundir. 

1. mánudaga og miðvikudaga kl. 18.15-19.45
2. þriðjudaga og fimmtudaga kl. 18.15-19.45
3. mánudaga og miðvikudaga kl. 20.00-21.30

• frá 7. maí til 14. júní:

1. Hópur A1 (þeir sem hafa lokið F1 og F2): mánudaga og miðvikudaga kl. 18.15-19.45
2. Hópur A2 (þeir sem hafa lokið F3 og F4): mánudaga og miðvikudaga kl. 18.15-19.45
3. Hópur B1 (þeir sem hafa lokið F5 og F6): þriðjudaga og fimmtudaga kl. 18.15-19.45

Á mánudags - og miðvikudagskvöldum:

	Mán			Mið
18:15-19:45	F1	A1	A2	F1	A1	A2
20:00- 21:30	F1	-	-	F1	-	-

 Á þriðjudags - og fimmtudagskvöldum:

	þri			Fim
18:15-19:45	F1	B1	Samtals lengra	F1	B1	-
20:00- 21:30	-	-	-	-	-	-

2/ Samtalsnámskeið: Fyrir þá sem tala svolítið í frönsku og langar til að æfa sig við notalegar aðstæður! Spjallaðu á frönsku yfir kaffibolla um eitthvað í daglegu lífi, út frá texta, bíómynd, hlutverkaleik...

Næstu námskeið: 8. maí - 14. júní.

Samtalsnámskeið fyrir lengra komna á þriðjudögum kl. 18.15-19.45. Kennt eitt kvöld í viku í 6 vikur, eða 9 klukkustundir.

3/ Einkatímar: sendu okkur línu á alliance@af.is eða hringdu í síma 552 3870 og pantaðu tíma hjá okkur til að fá ráðleggingar.

4/ Námskeið fyrir börn: Hópur 4 til 6 ára barna heitir "Tumi þumall" og hópur 6 til 9 ára heitir "Júníor klúbburinn". Hvert námskeið varir í 13 vikur, samtals 26 kennslustundir. Börnin læra frönsku í gegnum leik: hlutverkaleiki, söng, leikbrúður, bíómyndir... Elsti hópurinn, frá 9-13 ára, lærir líka frönsku á skemmtilegan hátt: í gegnum tónlist, bíómyndir, leikrit...

Við bjóðum bæði upp á námskeið fyrir börn sem hafa aldrei lært frönsku og líka þau sem tala frönsku. Frístundakortið gildir hjá Alliance Française.

Kennari barnanna er frönsk-íslensk. Börnin læra tungumálið um leið og þau vinna ákveðið verkefni og finnst þar af leiðandi þau ekki vera að læra á sama hátt og í skólanum. Þess vegna býður Alliance Française í Reykjavík börnum frá unga aldri að kynnast franskri tungu og menningu á sama hátt og þau læra móðurmálið. Í hverri kennslustund er unnið með afmarkað verkefni sem leiðir til kennslu fyrirfram ákveðinna atriða, t.d. á aðventunni skreyta börnin jólatré með kennaranum sínum, sem nýtir þetta tækifæri til að kenna þeim litina, form hluta, staðsetningu (uppi, niðri, hægri vinstri o.s.frv.) á frönsku. Annað dæmi er "Le petit café de l'Alliance" þegar börnin buðu foreldrum sínum á "kaffihús" og lærðu um leið að taka á móti fólki á frönsku, taka við pöntun og að biðja um það sem vantaði.
Verkefni hvers hóps eru að sjálfsögðu mismunandi og henta aldri barnanna í hverjum hópi.
Í lok námskeiðsins, hafa börnin náð getustigi A1.1 samkvæmt Evrópustöðlum um tungumálakennslu.